बुटवलमा विद्युत सर्ट भई आगलागी हुँदा सेवा अवरुद्ध

बुटवल ,१० असार । नेपाल विद्युत प्राधिकरणको बुटवलस्थित योगीकुटी सवस्टेशनमा मँगलबार साँझ विद्युत सर्ट भई आगलागी हुँदा विद्युत सेवा अवरुद्ध भएको छ ।

योगीकुटी ग्रिडमा साँझ ९ बजेपछि आगलागी भएको ईलाका प्रहरी कार्यालय बुटवलका प्रहरी नायव उपरीक्षक इन्द्र रानाले जानकारी दिए ।

विद्युत सर्ट भएपछि योगीकुटी ग्रिड अन्तरगतका क्षेत्रमा विद्युत अवरुद्ध हुँदा सेवाग्राही अन्धाकारमा परेका छन् ।

आगो नियन्त्रणमा आइसकेको छ क्षतिको विवरण अहिलेसम्म आकलन नभएको प्रहरीले जनाएको छ ।