जंगली च्याउ खाँदा अर्घाखाँचीमा महिलाको मृत्यु

अर्घाखाँची, जेठ १२ गते। अर्घाखाँचीको शितगंगा नगरपालिका –१३, जौंबारी निवासी मनकला भुसालको जंगली च्याउ खाँदा ज्यान गएको छ । जंगली च्याउ खाएपछि निरन्तर बान्ता भएर उहाँको ज्यान गएको हो ।

जंगली च्याउ खाएपछि बान्ता भएपछि उपचारको लागि अस्पताल लगिएको जिल्ला प्रहरी कार्यालय अर्घाखाँचीका सूचना अधिकृत झलक शर्माले जानाकारी दिनुभयो । उपचारको क्रममा अस्पतालमा उहाँको मृत्यु भएको उहाँले बताउनुभयो ।