चिसो र शीतलहरका कारण बुटवलका विद्यालय ३ दिन बन्द हुने

बुटवल ,९ पुस । अत्यधिक चिसो र शीतलहरका कारण बुटवल उपमहानगरपालिकाले ३ दिन विद्यालय बन्द गर्ने भएको छ ।बुटवल उपमहानगरपालिकाका प्रमुख खेलराज पाण्डेयले बुधबार एक सुचना जारी गरी पुस ११, १३ र १४ गते नगर भित्रका सबै विद्यालय बन्द गर्न निर्देशन दिएका हुन् ।

उपमहानगरपालिकाका अनुसार वार्षिक विदाबाट कट्टी हुने विद्यालयलाई विदा दिइएको हो ।

उपमहानगरपालिकाले चिसोको समयमा विद्यार्थीहरूलाई आवश्यक सावधानी अपनाउन तथा स्वास्थ्य सुरक्षामा ध्यान दिन अभिभावक र विद्यालय प्रशासनलाई आग्रहसमेत गरेको छ।