भदौरे झरीमा माया र माइती सम्झना बोकेको तिजगित सार्वजनिक

बुटवल, २२ साउन । तिजको रौनक र भदौ महिनाको झरीले भिजेको भावना समेटिएको नयाँ तिजगित ‘भदौरे झरीले’ सार्वजनिक गरिएको छ। गायक तथा संगीतकर्मी बिलन थापा मगरको प्रस्तुति रहेको उक्त गितमा माइती सम्झिने छोरीको भाव, झरीको मौसमी प्रभाव र सांस्कृतिक रौनकलाई संगितमार्फत भावुक शैलीमा उतारिएको छ।

गितमा मनिषा लामिछाने ,जुना श्रीस र देवी घर्तीको सशक्त स्वर सुन्न पाइन्छ। दुर्गा थापा मगरको शब्द र बिलन थापा मगरकै संगितमा बनेको गीतको अडियो र भिडियो दुबै पक्ष सशक्त छन्।

भिडियोमा दिया थापा मगर, दीप्तिका गुरुङ, टीका थापा लगायत कलाकारहरूको अभिनयले भावनालाई जिवन्त बनाएको छ।

डिप गुरुङ निर्देशित भिडियोलाई बिजौवा लामा र सञ्जय बुढाथोकीले खिचेका हुन् भने कोरियोग्राफी स्वयम् दिया थापा मगरले गरेकी छन्। गितको सम्पादन, कथा लेखनदेखि निर्माण व्यवस्थासम्म बिलन थापा मगरकै सक्रियता देखिन्छ।

माइती जान नपाउँदाको चुकचुक, झरीले भिजाएको मन, र बाबाले दिएको सिरफुलजस्ता प्रतीकहरूले गीतलाई अझ सजीव बनाएको छ। वर्षाको भिजाइमा तीजको रमाइलो घुलिएको यो गीत अहिलेको मौसम र मनोदशासँग मेल खाने खालको बनेको छ।

🎧 गीत हेर्नुहोस् :