तिनाउ खोलामा डुबेर दुई भारतीय युवक बेपत्ता

बुटवल ,८ चैत । तिनाउ खोलामा डुबेर दुई जना भारतीय युवक बेपत्ता भएका छन् । आइतबार दिउँसो साढे १ बजेको समयमा पाल्पाको तिनाउ गाउँपालिका–३ ड्यामसाइडनजिकै तिनाउ खोलामा नुहाउने क्रममा दुई युवक बेपत्ता भएको प्रहरीले जनाएको छ ।

भारतको सन्तनगरबाट साथीहरूसँग घुम्न आएका १७ वर्षीय फरान अन्सारी र १७ वर्षकै अमान अन्सारी तिनाउ खोलामा डुबेर बेपत्ता भएको दोभान प्रहरी चौकीका प्रहरी सहायक निरीक्षक मोहन खड्काले जानकारी दिए ।

उनीहरूको खोजी भइरहेको प्रहरीले जनाएको छ । ड्यामसाइड क्षेत्रमा हरेक वर्ष पौडी खेल्ने र सेल्फी खिच्ने क्रममा मानिसहरू डुबेर ज्यान गुमाउँदै आएका छन् ।