महेन्द्र बहादुर कुँवर : सेवा, राजनीति र मानवियताको संगम

बुटवल ,२२ पुस । सामाजिक तथा राजनीतिक व्यक्तित्वका रूपमा परिचित महेन्द्र बहादुर कुँवर नेपाली कांग्रेस मदाने गाउँपालिकाका अध्यक्ष तथा मदाने गाउँपालिकाका निर्वाचित अध्यक्ष हुनुहुन्छ । कुवँर बि.स. २०७९ मा मदाने गाउँपालिकाको अध्यक्षमा निर्वाचित भएका हुनुहुन्छ ।

राजनीति मात्र होइन, मानव सेवा र स्वास्थ्य क्षेत्रप्रतिको समर्पणका कारण उहाँलाई गुल्मी र बुटवल क्षेत्रका नागरिकले स्नेहपूर्वक “डाक्टर” भनेर सम्बोधन गर्ने गर्छन्। उहाँले लामो समय चिकित्सक भएर बिरामीप्रतिको संवेदना, स्वास्थ्य सचेतना र निःस्वार्थ सेवाभावका कारण उहाँले यो पहिचान कमाउन सफल हुनुभएको हो।

स्वास्थ्य क्षेत्रबाट सामाजिक सेवाको यात्रा सुरु गर्नुभएका कुँवरले लामो समयदेखि गुल्मी र बुटवलमा स्वास्थ्यसम्बन्धी सेवामा सक्रिय भूमिका निर्वाह गर्दै आउनुभएको थियो ।

दुर्गम बस्ती, गरिब तथा असहाय नागरिकको उपचारमा उहाँको योगदान उल्लेखनीय छ। औषधि उपलब्ध गराउनेदेखि अस्पतालसम्म पुर्‍याउने, स्वास्थ्य सचेतना फैलाउने र आवश्यक सहयोग जुटाउने काममा उहाँ सधैँ अग्रपंक्तिमा देखिनुहुन्छ। यही कारण स्थानीय जनताले उहाँलाई नेताभन्दा पहिला “सेवक” का रूपमा चिन्छन्।

राजनीतिमा प्रवेश गरेपछि पनि कुँवरको कार्यशैली परिवर्तन भएको छैन। उहाँले राजनीतिलाई पद, प्रतिष्ठा वा व्यक्तिगत लाभका लागि होइन, सेवा र जिम्मेवारीका रूपमा लिनुभएको छ।

मदाने गाउँपालिकाको अध्यक्षको जिम्मेवारी सम्हालेपछि उहाँले शिक्षा, स्वास्थ्य, खानेपानी, सडक, कृषि, पर्यटन र सामाजिक सुरक्षालाई प्राथमिकतामा राख्दै विकासका काम अघि बढाउनुभएको छ। सीमित स्रोतसाधनका बाबजुद पनि योजनालाई जनमुखी बनाउने, आवश्यकताको आधारमा बजेट विनियोजन गर्ने र पारदर्शितामा जोड दिने उहाँको शैली प्रशंसनीय मानिन्छ।

कुँवरको नेतृत्वको सबैभन्दा विशिष्ट पक्ष भनेको उहाँको मानविय सोच र त्याग हो। उहाँले आफूले पाउने तलब तथा सुविधा ठूलो अंश सामाजिक काममै खर्च गर्दै आउनुभएको छ। बिरामीको उपचार, विपन्न परिवारको सहयोग, विद्यार्थीको शैक्षिक सामग्री, विपद्का बेला राहत वितरण—यी सबैमा उहाँको व्यक्तिगत योगदान निरन्तर रहँदै आएको छ। “जनताको पैसाबाट पाएको जिम्मेवारी जनताकै सेवामा फर्किनुपर्छ” भन्ने मान्यता उहाँको व्यवहारमै देखिन्छ।

नेपाली कांग्रेसको संगठन निर्माणमा पनि कुँवर सक्रिय हुनुहुन्छ । कार्यकर्ता र जनताबीच सन्तुलन कायम गर्दै, सहकार्य र संवादमार्फत संगठन बलियो बनाउने उहाँको प्रयास निरन्तर छ। सरल स्वभाव, मिलनसार बोली र समस्या सुन्ने बानीका कारण उहाँ जनताको भरोसायोग्य नेता बन्नुभएको छ ।

समग्रमा, महेन्द्र बहादुर कुँवर राजनीति, स्वास्थ्य सेवा र मानवियताको संगमका रूपमा स्थापित व्यक्तित्व हुनुहुन्छ ।  पदभन्दा सेवा ठूलो हो भन्ने मान्यतालाई व्यवहारमा उतार्दै उहाँले मदाने गाउँपालिका मात्र होइन, समग्र समाजका लागि उदाहरणीय नेतृत्व प्रस्तुत गरिरहनुभएको छ। उहाँ गाउँपालिका अध्यक्ष निर्वाचित भएदेखी मदानेलाई बिकासको नमुना मोडेलका रुपमा चिनाउन सफल हुनुभएको छ ।