बिहे गरेको १ बर्ष नपुग्दै एलिना चौहानले सम्बन्धबिच्छेदको मुद्दा दर्ता

काठमाडौ माघ १८ । बिहे गरेकाे १ वर्ष नपुग्दै गायिका एलिना चौहानले सम्बन्धविच्छेदको मुद्दा दायर गरेकी छन्।

गत ५ वैशाखमा अस्ट्रेलिया बस्ने विष्णु सापकोटासँग बिहे गरेकी उनले शुक्रबार वारेसमार्फत जिल्ला अदालत काठमाडौँमा मुद्दा दायर गरेकी हुन्।

चौहानले सम्बन्धविच्छेदको मुद्दामा सापकोटाले आफ्नाे चरित्रमाथि धेरै शङ्का गरेको, काममा बाधा दिएको र शङ्का गरेको आरोप लगाएकी छन्।

मानाचामल नलिने गरी मुद्दा दायर गरेकी उनले बिहे गर्दाका गरगहना भने फिर्ता नगर्ने बताएकी छन्।

सापकोटा र चौहानबीच लामो प्रेम सम्बन्धपछि बिहे भएको थियो।