रुपन्देहीमा गोली हानी एक पुरुषको हत्या

बुटवल , १७ फाल्गुन । रुपन्देहीको मायादेवीमा गोलीहानी एक पुरुषको हत्या भएको छ । मायादेवी गाउँपालिका वडा न.२ डङ्गचाहावाका अन्दाजी २९ वर्षिय राजु(राजेशसिंह)लोधलाई घरमै गोलीहानी गयराती हत्या गरिएको आसंका छ ।

मृत्यु हुने लोधको टाउँकोमा २ राउण्ड गोली चलाएर हत्या गरिएको छ । दाजुभाई विच जग्गाको विषयमा केही महिना देखि विवाद चलेको थियो । गयराती देखि राजु लोधका दाई दिपक लोध फरार छन् त्यसकारण पनि जग्गालाई लिएर आफ्नै दाईले हत्या गरेको हुन सक्ने स्थानीयले आरोप लगाएका छन् ।

घटनाबारे प्रहरीलाई विहान थाहा भएको थियो । घटना हुनसाथ तत्काल रुपन्देही प्रहरी घटनास्थल पुगी घटनाबारे प्रारम्भिक रुपमा अनुसन्धान थालेको छ ।