सुनको मूल्य फेरि तीन लाख माथि, कतिमा हुँदैछ कारोबार ?

काठमाडौँ,२ बैशाख । नेपाली बजारमा सुनचाँदीको मूल्य बढेको छ । नेपाल सुनचाँदी व्यवसायी महासंघले आज सुन तोलामा दुई हजार ९०० रुपैयाँले बढेर प्रतितोल ३ लाख दुई हजार ७०० रुपैयाँमा कारोबार भइरहेको जनाएको छ । मंगलबार छापावाल सुन प्रतितोला २ लाख ९९ हजार ८०० रुपैयाँमा कारोबार भएको थियो ।

यस्तै, आज चाँदीको मूल्य १५५ रुपैयाँले बढेर प्रतितोला ५ हजार २२० रुपैयाँमा कारोबार भइरहेको छ । मंगलबार चाँदी प्रतितोला ५ हजार ६५ रूपैयाँमा किनबेच भएको थियो ।