एकपछि अर्का नेताले रास्वपा छाड्दै, बागमती उपसभापति हुमागाईं पनि बाहिरिए

काठमाडौं,०७ फागुन । खासगरी टिकट वितरणलाई लिएर देखिएको विवादपछि राष्ट्रिय स्वतन्त्र पार्टीबाट एकपछि अर्का नेता बाहिरिइरहेका छन्।

पछिल्लो पटक बागमती प्रदेश उपसभापति दिनेश हुमागाईंले पनि पार्टी छाडेका छन् । उनले बिहीबार पार्टीको साधारण सदस्यसमेत नरहने गरी पार्टी छाडेका हुन्।

उनले महामन्त्री कविन्द्र बुर्लाकोटीसमक्ष राजीनामा पत्र बुझाएका हुन् । हुमागाईं ०७९ मा काभ्रे २ बाट प्रतिनिधिसभाको निर्वाचनमा उठेका थिए । उनले राजीनामा पत्रमा रास्वपा छाड्नुका ७ कारण खुलाएका छन् ।

उम्मेदवार छनोटमा चरम आर्थिक चलखेल भएको, केन्द्रीय संरचना विस्तार तथा सदस्यता तथा आर्थिक व्यवस्थापनमा अपारदर्शिता देखिएकोसहितका आरोपसहित उनले रास्वपाबाट बिदा लिएका हुन् ।