ईपीएस भाषा परीक्षा आजबाट सुरु

काठमाडौं,०१ मंसिर । रोजगार अनुमति प्रणाली (ईपीएस) मार्फत दक्षिण कोरिया जान आवेदन दिएको समूहको भाषा परीक्षा आजदेखि सुरु भएको छ ।

पहिलो चरणमा उत्पादन क्षेत्रका लागि आवेदन दिने परीक्षार्थीहरूको परीक्षा लिइँदै छ । उत्पादन क्षेत्रमा मात्र ६७ हजार जनाले आवेदन दिएका छन् ।

सन् २०२५ मा ईपीएसमार्फत कोरिया जान कुल एक लाख दुई हजार ५१५ जनाले आवेदन दिएका छन् । तीमध्ये उत्पादनतर्फका ६७ हजारलाई प्राथमिकतामा राखी पहिलो चरणको भाषा परीक्षा सुरु गरिएको हो । दोस्रो चरणमा कृषि तथा पशुपालन क्षेत्रमा आवेदन दिएका ३५ हजार जनाको परीक्षा लिइनेछ ।