रातिको समयमा कालिकानगरबाट मोटरसाइकल चोरी

बुटवल, ३ चैत । बुटवलमा पछिल्लो समय मोटरसाइकल चोरीका घटना बढ्दै गइरहेका बेला कालिकानगरबाट फेरि एक मोटरसाइकल हराएको छ।

कालिकानगरस्थित कालिकानगर फिटनेस हब अगाडिबाट सोमबार राति करिब ९ बजेदेखि ११ बजेको बीचमा मोटरसाइकल हराएको हो।

हराएको मोटरसाइकल लु १२ प ६२८८ नम्बरको ‘आरवान फाइभ’ रहेको सवारीधनी रवि बहादुर गाहाले जानकारी दिए । गाहाका अनुसार मोटरसाइकल पार्किङ गरी राखिएको अवस्थामा अज्ञात व्यक्तिले चोरी गरी लगेको संका रहेको बताए । उनले मोटरसाइकल हराएपछी प्रहरीकोमा उजुरी दिएको जानकारी दिए ।

उनले मोटरसाइकल कतै देखिए वा भेटिएमा ९८०४४१३२८४ नम्बरमा सम्पर्क गर्न वा नजिकको प्रहरी कार्यालयमा जानकारी दिन आग्रह गरेका छन् ।

बुटवल क्षेत्रमा पछिल्लो समय मोटरसाइकल चोरीका घटना बढ्दै गएको भन्दै स्थानीयले सुरक्षा व्यवस्था कडा बनाउन सम्बन्धित निकायसँग माग समेत गरेका छन्।