पाकिस्तानमा ६ पत्रकारको हत्या

एजेन्सी । पाकिस्तानमा सन् २०२४ मा पत्रकारको हत्याका घटनामा उल्लेख्य वृद्धि भएको पाइएको छ । कमिटी टु प्रोटेक्ट जर्नालिस्ट (सीपीजे) ले सार्वजनिक गरेको तथ्यांकमा पाकिस्तानमा उक्त अवधिमा ६ जना पत्रकारको हत्या भएको छ ।

त्यसअघि सन् २०२१ यता पाकिस्तानमा एक जना पत्रकार पनि मारिएका थिएनन् । यद्यपि राजनीतिक अस्थिरताका कारण एकै वर्षमा पाकिस्तानले ६ जना पत्रकार गुमाएको पाकिस्तानी सञ्चार माध्यमले जनाएका छन् ।

पाकिस्तानबाट प्रकाशित हुने द एक्सप्रेस ट्रिब्युनका अनुसार उक्त अवधिमा इजरायल र प्यालेस्टाइनबीच जारी युद्धका क्रममा सबैभन्दा धेरै पत्रकार मारिएका छन् । सो अवधिमा उक्त युद्धका क्रममा ८५ जना पत्रकारको हत्या भएको छ । मारिनेमध्ये ८२ जना प्यालेस्टाइनी छन् । दोस्रोमा सुडान र पाकिस्तानमा समान ६ जना पत्रकारको हत्या भएको छ ।