गुल्मी बाझकटेरीमा जिप दुर्घटना : दुई जना घाइते

गुल्मी, ०५ मङ्सिर  । गुल्मीको मदाने गाउँपालिका-२ बाझकटेरी ओखरागैरामा जिप दुर्घटना हुँदा दुई जना घाइते भएका छन् ।

अग्लुङ पुर्कोटदह सडक खण्डमा अग्लुङदेखि पुर्कोटदहतर्फ आउँदै गरेको ग १ ज ५५३१ नं. सवारी जिप दुर्घटना हुँदा मदाने गाउँपालिका-२ घर भएकी ३० वर्षीय कबिता परियार र छोरा ८ वर्षीय आदित्य परियारको शरीर र खुट्टामा चोट लागेको जिल्ला प्रहरी कार्यालय गुल्मीका प्रहरी नायब उपरीक्षक गंगा बहादुर सारुले जानकारी दिनुभयो । घाइतेको स्थानीय मेडिकल पुर्कोटदहमा उपचार पश्चात थप उपचारको लागी जिल्ला अस्पताल अर्घाखाँची लागेकोको सारुले बताउनुभयो ।

चालक गुल्मी मदाने गाउँपालिका-६ पुर्कोटदह बस्ने ३३ वर्षीय राजु परियारले चलाएको जिपको अचानक सापट भाचिएपछि करिब २०० मिटर तल खसेको थियो । #गोरखापत्र