राष्ट्रिय सभा कांग्रेस संसदीय दलको नेतामा कमला पन्त चयन

बुटवल ,१६ वैशाख । राष्ट्रिय सभामा नेपाली कांग्रेस संसदीय दलको नेतामा कमला पन्त चयन भएकी छन्।

बुधबार कांग्रेस संसदीय दलका नेता भीष्मराज आङदेम्बेले पन्तलाई राष्ट्रिय सभा संसदीय दलको नेता चयन गरेका हुन्। यसअघि राष्ट्रिय सभामा कांग्रेस संसदीय दलको नेतामा कृष्ण सिटौला रहेका थिए। आङदेम्बेले सिटौलालाई हटाएर पन्तलाई नेता चयन गरेका हुन्।

कांग्रेसमा संसदीय दलका नेताले राष्ट्रिय सभा संसदीय दलको नेता चयन गर्ने व्यवस्था रहेको छ। यसअघि सिटौलालाई तत्कालीन संसदीय दलका नेता शेरबहादुर देउवाले राष्ट्रिय सभामा संसदीय दलको नेता चयन गरेका थिए।