कृष्णभीरमा सडक भासियो, मुग्लिन-काठमाडौं सडक पूर्ण रूपमा अवरुद्ध

काठमाडौं । बाढीका कारण सडक भासिएपछि मुग्लिन-काठमाडौं सडक पूर्ण रूपमा अवरुद्ध भएको छ ।

आइतबार बिहान धादिङको बेनिघाट रोराङ् गाउँपालिका-७ कृष्णभीरमा बाढीले सडक भासिएपछि आवागमन पूर्ण रूपमा अवरुद्ध भएको प्रहरीले जनाएको छ ।

यसअघि आइतबार बिहान भोटेकोसीमा पुनः बाढी आएको सूचनापछि राजमार्गमा सवारी साधन रोकिएका थिए ।

नारायणगढबाट मुग्लिन हुँदै पोखरा र काठमाडौंतर्फ जाने तथा आउने सबै प्रकारका सवारी साधनको आवगमन बन्द गरिएको थियो ।

त्यसपछि पानीको बहाव जोखिमपूर्ण नभएको सूचनापछि पुनः यातायात सञ्चालन गरिएको थियो । तर, आइतबार बिहान साढे ८ बजेतिर कृष्णभीरमा पहिरो खसेपछि नारायणण-काठमाडौं सडक पूर्ण रुपमा बन्द भएको हो ।