सुनचाँदीको मूल्यमा उच्च गिरावट

बुटवल , २८ फागुन । स्थानीय बजारमा बिहीबार सुन र चाँदी दुबैको मूल्यमा उच्च गिरावट आएको छ । नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा २ हजार रूपैयाँले घट्दै ३ लाख १७ हजार रूपैयाँमा झरेको हो ।

अघिल्लो दिन सुन प्रतितोला ३ लाख १९ हजार रूपैयाँमा कारोबार भएको थियो ।

यस्तै आज चाँदीको मूल्य पनि तोलामा २०५ रूपैयाँले घट्दै ५ हजार ५१५ रूपैयाँमा झरेको महासंघले जनाएको छ । अघिल्लो दिन चाँदी ५ हजार ७२० रूपैयाँमा कारोबार भएको थियो ।