पल बिया क्यामरुनको राष्ट्रपतिमा पुनः निर्वाचित

बुटवल ,११ कार्तिक ।  पल बिया क्यामरुनको राष्ट्रपतिमा पुनः निर्वाचित भएका छन्। ५३.६६ प्रतिशत मत प्राप्त गर्दै आठौं कार्यकालका लागि उनी क्यामरुनको राष्ट्रपति बनेका हुन्।

देशको संवैधानिक परिषद्ले सोमवार यो घोषणा गरेको हो। क्यामरुन राष्ट्रिय मुक्ति मोर्चाका उम्मेदवार इस्सा त्चिरोमा बाकारीले ३५.१९ प्रतिशत मत प्राप्त गरी दोस्रो स्थान हासिल गरे।

८० लाखभन्दा बढी दर्ता भएका मतदाताहरूमध्ये ४६ लाखभन्दा बढी क्यामरुनवासीहरूले मतदान गरेका थिए। जसले गर्दा मतदान दर ५७.७६ प्रतिशत पुगेको छ। जुन २०१८ मा ५३.८५ प्रतिशत र २०११ मा ६५.८२ प्रतिशत थियो। अन्तिम नतिजा घोषणा गर्दा संवैधानिक परिषद्का अध्यक्ष क्लेमेन्ट अटांगानाले चुनाव स्वतन्त्र र निष्पक्ष भएको बताएका थिए।

१९८२ देखि सत्तामा रहेका ९२ वर्षीय बियाले क्यामरुन जनवादी आन्दोलनको नेतृत्व गर्दै आएका छन्। उन अब अर्को सात वर्षको कार्यकालको लागि देशमा शासन गर्ने तयारीमा छन्।

स्थानीय सञ्चारमाध्यमले रिपोर्ट गरेअनुसार राजधानी याउन्डे र व्यावसायिक राजधानी डुआलामा सुरक्षा कडा पारिएको थियो। जहाँ आइतवार सुरक्षा बलले चार प्रदर्शनकारीहरूलाई गोली हानी मारेको थियो। विपक्षी समर्थकहरू चुनावी धाँधली भनिएको विरोधमा सडकमा उत्रिएका थिए।

संविधान अनुसार नवनिर्वाचित राष्ट्रपतिले नतिजाको आधिकारिक घोषणा भएको १५ दिन भित्र शपथ लिनुपर्छ। संसद, संवैधानिक परिषद् र सर्वोच्च अदालतका सदस्यहरूको उपस्थितिमा क्यामरूनियन