बुटवल सोसल ग्रुपको रक्तदान कार्यक्रम सम्पन्न

बुटवल, २४ साउन । सामाजिक कार्यमा सक्रिय बुटवल सोसल ग्रुपको आयोजनामा सम्पन्न रक्तदान कार्यक्रममा ३० युनिट रगत संकलन गरिएको छ ।

कार्यक्रममा सोसल ग्रुपका अध्यक्ष भोजबहादुर थापाले रक्तदानलाई जीवन बचाउने महान कार्यका रूपमा हेरिनुपर्ने बताएका थिए । उनले रक्तदान नै जीवनदान भएको र सवैले आफ्नो स्तरबाट रक्तदान गर्नुपर्ने बताए  ।

कार्यक्रममा सचिव अशोक राईले सञ्चालन गर्दै रक्तदानको महत्वबारे विचार व्यक्त गरे ।

सो अवसरमा सदस्य नबिन खाती, प्राविधिक चन्द्र झेडी मगर, प्रीति थापा लगायतको उपस्थिति रहेको थियो ।