होटल व्यवसायी महासंघ नेपालको अध्यक्षमा भण्डारी, महासचिवमा महोत्रा

बुटवल, २९ चैत । होटल व्यवसायी महासंघ नेपालको पाँचौं राष्ट्रिय महाधिवेशन तथा १३ औं वार्षिक साधारण सभा सम्पन्न भएको छ ।

कास्कीको पोखरामा सम्पन्न महाधिवेशन तथा साधारणसभाले टी.आर.भण्डारी (शंकर)को अध्यक्षतामा नयाँ कार्यसमिति सर्वसम्मत निर्वाचित गरेको छ ।

निर्वाचनपछि अध्यक्ष भण्डारीले आफूलाई विश्वासका साथ चयन गर्ने सम्पूर्ण प्रतिनिधि, अग्रज व्यवसायी, निर्वाचन मण्डल तथा सहयोगी सबैप्रति आभार व्यक्त गर्नुभयो । उहाँले महासंघलाई अझ सुदृढ, पारदर्शी र सदस्य–केन्द्रित संस्थाका रूपमा अघि बढाउने प्रतिबद्धता व्यक्त र्गाुभयो ।

त्यस्तै महासचिवमा निर्वाचित रुपन्देहीको भैरहवाका राजेश महोत्राले संस्थागत सुधार र पारदर्शीता, होटल व्यवसायीको हकका लागि कानूनी लडाई, पर्यटन प्रवद्र्धनमा नेतृत्व, व्यवसायीको हकहित रक्षा, संकट व्यवस्थापन प्रणाली, नेटवर्क व्यवस्थापन र सहकार्य, सदस्य केन्द्रीत सेवा, नीति सुधारका लागि पहल, तालिम र क्षमता विकासमा ध्यान दिने बताउनुभयो ।