रास्वपा बुटवल ११ को सभापतिमा युवानेता शाही

बुटवल , ०३ चैत । राष्ट्रिय स्वतन्त्र पार्टी बुटवल वार्ड नम्बर ११ को प्रथम अधिवेशनले समाजसेवी एवम युवा नेता सुनिल शाहीलाई सभापतिमा चयन गरेको छ ।

बुटवल ११ देविनगरमा पार्टीका कार्यबाहक सभापति डिपि अर्यालको प्रमुख आतिथ्यतामा भएको प्रथम अधिवेशनले शाहीको नेतृत्वमा समिति चयन गरेको हो ।

युवा नेता एवम नवनिर्वाचित सभापती शाही बिभिन्न संघसंस्थामा आवद्ध रहि हरेक सामाजिक गतिविधिमा उल्लेख्य सहभागीता जनाउने व्यक्ती हुन् ।

समितिको उपसभापतिमा सरोज खनाल,सचिवमा देवी पौडेल घर्ती मगर चयन भएका छन् । त्यस्तै सदस्यहरूमा लिलाधर जैशी,मन्जु पाण्डे,दुर्गा खनाल,रामचन्द्र तिवारी,सुनिल बानिया,हरिलाल भुसाल,झुमा खत्री,झुमा भट्टराई , अनिता पन्थी चयन भएका छन् ।

वडा समितिदेखि केन्द्रसम्म ११ सदस्यिय कार्यसमिति रहने रास्वपाले जनाएको छ ।