विपक्षी दलहरूको बैठक बस्दै

काठमाडौं,२१ फाल्गुन ।  प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डले विपक्षी दलको बैठक बोलाएका छन् ।

बैठक मध्याह्न १२ बजे माओवादी संसदीय दलको कार्यालय सिंहदरबारमा बस्नेछ ।

प्रतिनिधिसभा बैठकमा आज सरकारले ल्याएका पाँच अध्यादेश निर्णयार्थ पेस गर्ने तयारी गरेपछि अध्यादेशविरुद्ध रणनीति तय गर्न बैठक बस्न लागेको हो ।

विपक्षी दलमा माओवादीसहित, नेकपा एकीकृत समाजवादी, राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी (राप्रपा) र आम जनता पार्टी (आजपा) लगायतका दलहरू बैठकमा सहभागी हुने बताइएको छ ।