सुनचाँदीको भाउ फेरि उकालो लाग्यो, सुन तोलाको २ लाख ९९ हजार रुपैयाँ

बुटवल ,२५ चैत । स्थानीय बजारमा बुधबार सुनचाँदीको मूल्यमा उच्च वृद्धि भएको छ । अघिल्लो दिन प्रतितोला २ लाख ९१ हजार ८ सय रुपैयाँमा कारोबार भएको सुनको मूल्य आज ७ हजार २ सय रुपैयाँले बढ्दै २ लाख ९९ हजार रुपैयाँ पुगेको हो ।

यस्तै आज चाँदीको मूल्य पनि तोलामा २०५ रुपैयाँले बढ्दै ५ हजार २५ रुपैयाँ पुगेको नेपाल सुनचाँदी व्यवसायी महासंघले जनाएको छ । अघिल्लो दिन चाँदी प्रतितोला ४ हजार ८२० रुपैयाँमा कारोबार भएको थियो ।