सात दिनभित्र अतिक्रमण र मापदण्ड विपरीत संरचना हटाउन महानगरको निर्देशन

काठमाडौं, १४ कात्तिक । काठमाडौं महानगरपालिकाले अतिक्रमित जग्गा र मापदण्ड विपरीत निर्माण भएका संरचना तत्काल हटाउन निर्देशन दिएको छ।

काठमाडौं महानगरपालिका र काठमाडौं उपत्यका विकास प्राधिकरणले संयुक्त रूपमा सार्वजनिक सूचना जारी गर्दै सात दिनभित्र अतिक्रमित जग्गा तथा मापदण्ड विपरीतका संरचना खाली गर्न सम्बन्धित पक्षलाई आग्रह गरेका हुन्।

महानगर र प्राधिकरणले काठमाडौं महानगरपालिका क्षेत्रभित्रका साथै सिमाना जोडिएका काठमाडौं जिल्लाभित्रका सार्वजनिक स्थानहरूमा अतिक्रमण र अनियमित संरचना हटाउन चेतावनी दिएका छन्।

निर्देश अनुसार तोकिएको समयसीमा भित्र स्वतः नहटाए कानुनी कारबाही गरी जबर्जस्ती रूपमा संरचना खाली गरिने चेतावनी महानगरले दिएको छ।

सार्वजनिक जग्गा र मापदण्ड विपरीतका संरचना नियन्त्रणमा ल्याउने उद्देश्यका साथ यो अभियान सुरु गरिएको जनाइएको छ।