गाउँको भिरपाखाबाट बग्दै आएको स्वर–गुञ्जन : ‘रामनामी ओढाइदेउ’ 

बुटवल, ११ असोज । गुल्मीको धुर्कोट बस्तुमा जन्मिएर परदेशी भूमिमा रहँदै आएका काशिराम भण्डारीले आफ्नो गाउँघरको माटो, संस्कृति र संवेदनालाई स्वरमार्फत व्यक्त गर्ने प्रयास स्वरुप नयाँ लोकगीत ‘रामनामी ओढाइदेउ’ बजारमा सार्वजनिक गरेका छन् ।

नेपालका चर्चित लोकगायक राजु परियारको स्वरमा रहेको यस गीतमा अशोक कुमार सापकोटा र काशी भण्डारीको शब्द रहेको छ । संगीत तथा एरेन्ज नारायण डंगोल, मिक्स मास्टर मनोज परियार, रेकर्डिङ गोपाल दयाल, रेकर्डिङ स्टुडियो म्युजिक प्लस ‘एमएफ’ मा गरिएको हो ।

भिडियोमा काशीराम भण्डारी, निर्मला चन्द ‘न्याउली’, घनश्याम भण्डारी र सबिना पोखरेल भण्डारीको अभिनय रहेको छ । निर्देशन मिलन श्रेष्ठ, छायांकन विशाल गोंग्बा, मेकअप राजन पौडेल, सम्पादन तथा कलर रोशन धिताल, र पोस्ट–प्रोडक्सन मिलन फिल्म्स प्रोडक्सनको रहेको छ ।

गीतको बोलमा समाजको विडम्बना र जीवनको गहिरो अनुभूति झल्किएको छः

“जोगी भैयो बिग्रीयो घरवार, कस्ले गर्यो रक्सीको आविष्कार”

“लौन ज्योतिष, रामनामी ओढाइदेउ, टुनामुना गरेर छोडाइदेउ”

गाउँको कुना–कन्दरा र भिरपाखामा लुकेर रहेका जीवनका कथाहरूलाई स्वरमा उतार्ने प्रयास यो गीतमार्फत भएको छ ।

📺 भिडियो हेर्नुहोस् :