कक्षा १२ को नतिजा आज सार्वजनिक हुँदै

काठमाडौं ,१९ साउन ।राष्ट्रिय परीक्षा बोर्डले कक्षा १२ को नतिजा आज (आइतबार) बेलुका ७ बजे सार्वजनिक गर्ने तयारी गरेको छ। बोर्डका उच्च स्रोतका अनुसार नतिजा प्रकाशनका लागि आवश्यक सम्पूर्ण प्रक्रिया अन्तिम चरणमा पुगेको छ।

बोर्डले नतिजा सार्वजनिक गर्न साढे ५ बजे बोर्ड बैठक बाेलाएको छ ।

गत वैशाख २१ गतेदेखि जेठ २ गतेसम्म सञ्चालन भएको परीक्षामा देशभरबाट ५ लाख ११ हजार ५२५ जना विद्यार्थी सहभागी भएका थिए।

तिनीहरूमध्ये ३ लाख ९५ हजार ९०८ जना नियमित तथा १ लाख १५ हजार ६१७ जना आंशिक परीक्षार्थी थिए।

विद्यार्थीहरूले नतिजा निम्न माध्यमहरूबाट हेर्न सक्नेछन्ः

-राष्ट्रिय परीक्षा बोर्डको वेबसाइट

-एसएमएस सेवा

-मोबाइल एप्लिकेसन

@नेपालसमाचारपत्र