पत्रकार पाठक अदालतमा उपस्थित

काठमाडौं,१९ असार । पत्रकार दिलभूषण पाठक जिल्ला अदालत काठमाडौंमा उपस्थित भएका छन् ।

आफूमाथि साइबर अपराधको आरोपमा मुद्दा दायर भएपछि पाठक जिल्ला अदालत काठमाडौंमा उपस्थित भएका हुन् ।

उनी अदालतमा उपस्थित भएसँगै उनको बयान सुरु भएको छ । न्यायाधीश खेमराज भट्टको इजलासमा बयान सुरु भएको हो । बयान सकिएपछि थुनछेक बहस हुनेछ । साइबर ब्युरोको अनुसन्धान प्रतिवेदनका आधारमा जिल्ला सरकारी वकिलको कार्यालय काठमाडौंले गत सोमबार उनीविरुद्ध मुद्दा दायर गरेको थियो ।