पूर्वविशिष्टलाई प्रदान गर्ने सेवासुबिधा थप्ने होइन खोस्नुपर्छ : डा. चन्द्र भण्डारी [भिडियो]

बुटवल , ०१ चैत । नेपाली कांग्रेसका केन्द्रीय सदस्य एवम प्रभावशाली नेता डा. चन्द्रकान्त भण्डारीले पूर्वविशिष्टहरुलाई प्रदान गर्ने सेवा सुबिधा थप्ने होइन खोस्नुपर्ने बताएका छन् ।

नेपाली कांग्रेस क्षेत्र नम्बर २ गुल्मीले राखेको प्रथम क्षेत्रीय सम्मेलनको समुद्घाटन गर्दै सांसद भण्डारीले यस्तो कुरा राखेका हुन् । उनले यस्तो हुँदैन , जनताको पसिना र अरवमा कमाएर ल्याएको रेमिटेन्स पूर्वविशिष्टलाई खानलाई पटक्कै होइन , यो कुरा हुनै सक्दैन म यो कुरा यहाँबाट गएर प्यारलामेन्टमा राख्छु । तपाईंहरुलाई यो कुरा बचन दिन्छु ।

कार्यक्रममा राष्ट्रिय सभा सदस्य विष्णु कुमारी सापकोटा, कांग्रेसका प्रदेश उपसभापति भुवन श्रेष्ठ , जिल्ला सभापति तथा रेसुङ्गा नगरपालिकाका मेयर खिलध्वज पन्थी लगायतका नेताहरूले केन्द्रीय नेताहरू सुध्रिनुपर्ने र आम कार्यकर्ता निराश नभई खबरदारी गरिरहनुपर्नेमा जोड दिएका थिए ।

भीडियो सहित :