वेलटेन कस्मेटिक इन्डस्ट्रिज द्वारा प्रधानमन्त्री राहत कोषमा १ लाख ५१ हजार १११ रुपैयाँ सहयोग

lumbinisanjal
२०८३ भाद्र ११, बिहीबार १८:४२

416

बुटवल । चीनतर्फबाट बुधबार बिहान आएको विनाशकारी बाढीका कारण रसुवा, नुवाकोट र धादिङलगायत त्रिशूली नदी तटीय क्षेत्रमा ठूलो जनधनको क्षति भएको छ । बाढीका कारण सयौँ नागरिक बेपत्ता भएका छन् भने हजारौँ मानिस घरबारविहीन बनेका छन् । प्रभावित क्षेत्रमा सुरक्षाकर्मी तथा स्थानीयवासीले खोजी तथा उद्धार कार्यलाई तीव्रता दिएका छन् ।

बाढी प्रभावितलाई राहत तथा सहयोग उपलब्ध गराउन स्वदेशी तथा विदेशी संघसंस्थाले सहयोगको प्रतिबद्धता जनाउन थालेका छन् । यसै क्रममा वेलटेन कस्मेटिक इन्डस्ट्रिज प्रा. लि ले प्रधानमन्त्री दैवी प्रकोप उद्धार कोषमा १ वेलटेन कस्मेटिक इन्डस्ट्रिज द्वारा प्रधानमन्त्री राहत कोषमा १ लाख ५१ हजार १११ रुपैयाँ सहयोग गरेको छ ।

उक्त बाढीबाट प्रभावित नागरिकलाई राहत पुगोस भन्ने उद्देश्यले वेलटेन कस्मेटिक इन्डस्ट्रिज प्रा. लि का सञ्चालक कृष्ण प्रसाईले उक्त रकम प्रधानमन्त्री दैवी प्रकोप उद्धार कोषमा जम्मा गरेका हुन् ।

प्रसाईले कुनै पनि नेपाली नागरिक अप्ठ्यारोमा पर्दा सबैको सानो–सानो सहयोगले पीडितको उद्धार तथा राहतमा महत्वपूर्ण योगदान पुग्ने बताए । अहिलेको विषम परिस्थितिमा बाढीपीडितलाई सहयोग गर्न सबैलाई आफ्नो क्षमताअनुसार सहयोग गर्न उनले आग्रहसमेत गरे

आर.के.यल मिडिया प्रालिद्वारा संचालित