बाढीपहिरोका कारण देशका विभिन्न राजमार्गमा ६ स्थानमा सडक पूर्णरुपमा अवरुद्ध

काठमाडौं,०५ असार  । मनसुन सुरु भएसँगै आएको बाढीपहिरोका कारण देशका विभिन्न स्थानमा मुख्य राजमार्गका सडक अवरुद्ध भएका छन् ।

बिहीबार बिहान नेपाल प्रहरीले दिएको सुचना अनुसार वर्षासँगैको बाढीपहिरोका कारण देशका ११ मुख्य राजमार्ग अवरुद्ध बनेको जनाएको छ । नेपाल प्रहरीका अनुसार धनकुटा, सिन्धुपाल्चोक, काभ्रे, चितवन, नवलपरासी, ग्याग्दी, गुल्मी, जुम्ला र डोटी जिल्लामा पर्ने ती मुख्य राजमार्गका सडक अवरुद्ध बनेका हुन् ।

जसमध्ये ६ वटा सडक पूर्णरुपमा अवरुद्ध भएका छन् भने पाँच वटा सडक एकतर्फी सञ्चालन भएका छन् ।